ShidurSlides

* מחבר

* כותרת

תוכן

%author פרשת השבוע
%book נח ללא ניקוד
%break
%H פרשת נח
%break
%H בראשית פרק ו
%break
ט אלה, תולדות נוח--נוח איש צדיק תמים היה, בדורותיו:  את-
האלוהים, התהלך-נוח.  י ויולד נוח, שלושה בנים--את-שם, את-חם 
ואת-יפת.  
%break
יא ותישחת הארץ, לפני האלוהים; ותימלא הארץ, חמס.  יב וירא 
אלוהים את-הארץ, והנה נשחתה:  כי-השחית כל-בשר את-דרכו, על-
הארץ.  (ס}
%break
יג ויאמר אלוהים לנוח, קץ כל-בשר בא לפניי--כי-מלאה הארץ חמס, 
מפניהם; והנני משחיתם, את-הארץ.  יד עשה לך תיבת עצי-גופר, 
קינים תעשה את-התיבה; וכפרת אותה מבית ומחוץ, בכופר.  
%break
טו וזה, אשר תעשה אותה:  שלוש מאות אמה, אורך התיבה, חמישים 
אמה רוחבה, ושלושים אמה קומתה.  טז צוהר תעשה לתיבה, ואל-
אמה תכלנה מלמעלה, ופתח התיבה, בצידה תשים; תחתיים שניים 
ושלישים, תעשהא.  
%break
יז ואני, הנני מביא את-המבול מים על-הארץ, לשחת כל-בשר אשר-בו 
רוח חיים, מתחת השמיים:  כול אשר-בארץ, יגווע.  יח והקימותי את-
בריתי, איתך; ובאת, אל-התיבה--אתה, ובניך ואשתך ונשי-בניך איתך.  
%break
יט ומכל-החי מכל-בשר שניים מכול, תביא אל-התיבה--להחיות איתך:  
זכר ונקבה, יהיו.  כ מהעוף למינהו, ומן-הבהמה למינה, מכול רמש 
האדמה, למינהו--שניים מכול יבואו אליך, להחיות.  
%break
כא ואתה קח-לך, מכל-מאכל אשר ייאכל, ואספת, אליך; והיה לך 
ולהם, לאוכלה.  כב ויעש, נוח:  ככול אשר ציווה אותו, אלוהים--כן 
עשה.
%break
%H בראשית פרק ז
%break
א ויאמר יהוה לנוח, בוא-אתה וכל-ביתך אל-התיבה:  כי-אותך ראיתי 
צדיק לפניי, בדור הזה.  ב מכול הבהמה הטהורה, תיקח-לך שבעה 
שבעה--איש ואשתו; ומן-הבהמה אשר לא טהורה היא, שניים--איש 
ואשתו.  
%break
ג גם מעוף השמיים שבעה שבעה, זכר ונקבה, לחייות זרע, על-פני 
כל-הארץ.  ד כי לימים עוד שבעה, אנוכי ממטיר על-הארץ, ארבעים 
יום, וארבעים לילה; ומחיתי, את-כל-היקום אשר עשיתי, מעל, פני 
האדמה.  ה ויעש, נוח, ככול אשר-ציווהו, יהוה.  
%break
ו ונוח, בן-שש מאות שנה; והמבול היה, מים על-הארץ.  ז ויבוא נוח, 
ובניו ואשתו ונשי-בניו איתו--אל-התיבה:  מפני, מי המבול.  ח מן-
הבהמה, הטהורה, ומן-הבהמה, אשר איננה טהורה; ומן-העוף--וכול 
אשר-רומש, על-האדמה.  
%break
ט שניים שניים באו אל-נוח, אל-התיבה--זכר ונקבה:  כאשר ציווה 
אלוהים, את-נוח.  י ויהי, לשבעת הימים; ומי המבול, היו על-הארץ.  
%break
יא בשנת שש-מאות שנה, לחיי-נוח, בחודש השני, בשבעה-עשר יום 
לחודש--ביום הזה, נבקעו כל-מעיינות תהום רבה, וארובות השמיים, 
נפתחו.  יב ויהי הגשם, על-הארץ, ארבעים יום, וארבעים לילה.  
%break
יג בעצם היום הזה בא נוח, ושם-וחם ויפת בני-נוח; ואשת נוח, 
ושלושת נשי-בניו איתם--אל-התיבה.  יד המה וכל-החיה למינה, וכל-
הבהמה למינה, וכל-הרמש הרומש על-הארץ, למינהו; וכל-העוף 
למינהו, כול ציפור כל-כנף.  
%break
טו ויבואו אל-נוח, אל-התיבה, שניים שניים מכל-הבשר, אשר-בו רוח 
חיים.  טז והבאים, זכר ונקבה מכל-בשר באו, כאשר ציווה אותו, 
אלוהים; ויסגור יהוה, בעדו.  יז ויהי המבול ארבעים יום, על-הארץ; 
וירבו המים, וישאו את-התיבה, ותרם, מעל הארץ.  
%break
יח ויגברו המים וירבו מאוד, על-הארץ; ותלך התיבה, על-פני המים.  
יט והמים, גברו מאוד מאוד--על-הארץ; ויכוסו, כל-ההרים הגבוהים, 
אשר-תחת, כל-השמיים.  כ חמש עשרה אמה מלמעלה, גברו המים; 
ויכוסו, ההרים.  
%break
כא ויגווע כל-בשר הרומש על-הארץ, בעוף ובבהמה ובחיה, ובכל-
השרץ, השורץ על-הארץ--וכול, האדם.  כב כול אשר נשמת-רוח חיים 
באפיו, מכול אשר בחרבה--מתו.  
%break
כג ויימח את-כל-היקום אשר על-פני האדמה, מאדם עד-בהמה עד-
רמש ועד-עוף השמיים, ויימחו, מן-הארץ; ויישאר אך-נוח ואשר איתו, 
בתיבה.  כד ויגברו המים, על-הארץ, חמישים ומאת, יום.
%break
%H בראשית פרק ח
%break
א ויזכור אלוהים, את-נוח, ואת כל-החיה ואת-כל-הבהמה, אשר איתו 
בתיבה; ויעבר אלוהים רוח על-הארץ, וישוכו המים.  ב וייסכרו מעיינות 
תהום, וארובות השמיים; וייכלא הגשם, מן-השמיים.  ג וישובו המים 
מעל הארץ, הלוך ושוב; ויחסרו המים--מקצה, חמישים ומאת יום.  
%break
ד ותנח התיבה בחודש השביעי, בשבעה-עשר יום לחודש, על, הרי 
אררט.  ה והמים, היו הלוך וחסור, עד, החודש העשירי; בעשירי 
באחד לחודש, נראו ראשי ההרים.  ו ויהי, מקץ ארבעים יום; ויפתח 
נוח, את-חלון התיבה אשר עשה.  
%break
ז וישלח, את-העורב; וייצא יצוא ושוב, עד-יבושת המים מעל הארץ.  ח 
וישלח את-היונה, מאיתו--לראות הקלו המים, מעל פני האדמה.  ט 
ולא-מצאה היונה מנוח לכף-רגלה, ותשב אליו אל-התיבה--כי-מים, 
על-פני כל-הארץ; וישלח ידו וייקחהא, ויבא אותה אליו אל-התיבה.  
%break
י ויחל עוד, שבעת ימים אחרים; ויוסף שלח את-היונה, מן-התיבה.  יא 
ותבוא אליו היונה לעת ערב, והנה עלה-זית טרף בפיה; ויידע נוח, כי-
קלו המים מעל הארץ.  יב וייחל עוד, שבעת ימים אחרים; וישלח, את-
היונה, ולא-יספה שוב-אליו, עוד.  
%break
יג ויהי באחת ושש-מאות שנה, בראשון באחד לחודש, חרבו המים, 
מעל הארץ; ויסר נוח, את-מכסה התיבה, וירא, והנה חרבו פני 
האדמה.  יד ובחודש, השני, בשבעה ועשרים יום, לחודש--יבשה, 
הארץ. 
%break
טו וידבר אלוהים, אל-נוח לאמור.  טז צא, מן-התיבה--אתה, ואשתך 
ובניך ונשי-בניך איתך.  יז כל-החיה אשר-איתך מכל-בשר, בעוף 
ובבהמה ובכל-הרמש הרומש על-הארץ--היצא איתך; ושרצו בארץ, 
ופרו ורבו על-הארץ.  יח וייצא-נוח; ובניו ואשתו ונשי-בניו, איתו.  
%break
יט כל-החיה, כל-הרמש וכל-העוף, כול, רומש על-הארץ--
למשפחותיהם, יצאו מן-התיבה.  כ וייבן נוח מזבח, ליהוה; וייקח מכול 
הבהמה הטהורה, ומכול העוף הטהור, ויעל עולות, במזבח.  
%break
כא וירח יהוה, את-ריח הניחוח, ויאמר יהוה אל-ליבו לא-אוסיף לקלל 
עוד את-האדמה בעבור האדם, כי יצר לב האדם רע מנעוריו; ולא-
אוסיף עוד להכות את-כל-חי, כאשר עשיתי.  כב עוד, כל-ימי הארץ:  
זרע וקציר וקור וחום וקיץ וחורף, ויום ולילה--לא ישבותו.
%break
%H בראשית פרק ט
%break
א ויברך אלוהים, את-נוח ואת-בניו; ויאמר להם פרו ורבו, ומלאו את-
הארץ.  ב ומוראכם וחיתכם, יהיה, על כל-חית הארץ, ועל כל-עוף 
השמיים; בכול אשר תרמוש האדמה ובכל-דגי הים, בידכם ניתנו.  
%break
ג כל-רמש אשר הוא-חי, לכם יהיה לאוכלה:  כירק עשב, נתתי לכם 
את-כול.  ד אך-בשר, בנפשו דמו לא תאכלו.  ה ואך את-דמכם 
לנפשותיכם אדרוש, מיד כל-חיה אדרשנו; ומיד האדם, מיד איש אחיו-
-אדרוש, את-נפש האדם.  
%break
ו שופך דם האדם, באדם דמו יישפך:  כי בצלם אלוהים, עשה את-
האדם.  ז ואתם, פרו ורבו; שרצו בארץ, ורבו-בה. ח ויאמר אלוהים 
אל-נוח, ואל-בניו איתו לאמור.  ט ואני, הנני מקים את-בריתי איתכם, 
ואת-זרעכם, אחריכם.  
%break
י ואת כל-נפש החיה אשר איתכם, בעוף בבהמה ובכל-חית הארץ 
איתכם; מכול יוצאי התיבה, לכול חית הארץ.  יא והקימותי את-בריתי 
איתכם, ולא-ייכרת כל-בשר עוד ממי המבול; ולא-יהיה עוד מבול, 
לשחת הארץ.  
%break
יב ויאמר אלוהים, זאת אות-הברית אשר-אני נותן ביני וביניכם, ובין 
כל-נפש חיה, אשר איתכם--לדורות, עולם.  יג את-קשתי, נתתי בענן; 
והייתה לאות ברית, ביני ובין הארץ.  יד והיה, בענני ענן על-הארץ, 
ונראתה הקשת, בענן.  
%break
טו וזכרתי את-בריתי, אשר ביני וביניכם, ובין כל-נפש חיה, בכל-בשר; 
ולא-יהיה עוד המים למבול, לשחת כל-בשר.  טז והייתה הקשת, בענן; 
וראיתיה, לזכור ברית עולם, בין אלוהים, ובין כל-נפש חיה בכל-בשר 
אשר על-הארץ.  
%break
יז ויאמר אלוהים, אל-נוח:  זאת אות-הברית, אשר הקימותי, ביני, ובין 
כל-בשר אשר על-הארץ. יח ויהיו בני-נוח, היוצאים מן-התיבה--שם, 
וחם ויפת; וחם, הוא אבי כנען.  יט שלושה אלה, בני-נוח; ומאלה, 
נפצה כל-הארץ.  
%break
כ ויחל נוח, איש האדמה; וייטע, כרם.  כא ויישת מן-היין, וישכר; 
ויתגל, בתוך אוהלו.  כב וירא, חם אבי כנען, את, ערוות אביו; ויגד 
לשני-אחיו, בחוץ.  
%break
כג וייקח שם ויפת את-השמלה, וישימו על-שכם שניהם, וילכו 
אחורנית, ויכסו את ערוות אביהם; ופניהם, אחורנית, וערוות אביהם, 
לא ראו.  כד וייקץ נוח, מיינו; ויידע, את אשר-עשה לו בנו הקטן.  כה 
ויאמר, ארור כנען:  עבד עבדים, יהיה לאחיו.  
%break
כו ויאמר, ברוך יהוה אלוהי שם; ויהי כנען, עבד למו.  כז יפת אלוהים 
ליפת, וישכון באוהלי-שם; ויהי כנען, עבד למו.  כח ויחי-נוח, אחר 
המבול, שלוש מאות שנה, וחמישים שנה.  כט ויהיו, כל-ימי-נוח, תשע 
מאות שנה, וחמישים שנה; וימות. 
%break
%H בראשית פרק י
%break
א ואלה תולדות בני-נוח, שם חם ויפת; וייוולדו להם בנים, אחר 
המבול.  ב בני יפת--גומר ומגוג, ומדיי ויוון ותובל; ומשך, ותירס.  ג 
ובני, גומר--אשכנז וריפת, ותוגרמה.  ד ובני יוון, אלישה ותרשיש, 
כיתים, ודודנים.  
%break
ה מאלה נפרדו איי הגויים, בארצותם, איש, ללשונו--למשפחותם, 
בגוייהם.  ו ובני, חם--כוש ומצריים, ופוט וכנען.  ז ובני כוש--סבא 
וחווילה, וסבתה ורעמה וסבתכא; ובני רעמה, שבא ודדן.  ח וכוש, ילד 
את-נמרוד; הוא החל, להיות גיבור בארץ.  
%break
ט הוא-היה גיבור-ציד, לפני יהוה; על-כן, ייאמר, כנמרוד גיבור ציד, 
לפני יהוה.  י ותהי ראשית ממלכתו בבל, וארך ואכד וכלנה, בארץ, 
שנער.  יא מן-הארץ ההיא, יצא אשור; וייבן, את-נינווה, ואת-רחובות 
עיר, ואת-כלח.  
%break
יב ואת-רסן, בין נינווה ובין כלח--היא, העיר הגדולה.  יג ומצריים ילד 
את-לודים ואת-ענמים, ואת-להבים--ואת-נפתוחים.  יד ואת-פתרוסים 
ואת-כסלוחים, אשר יצאו משם פלשתים--ואת-כפתורים. 
%break
טו וכנען, ילד את-צידון בכורו--ואת-חת.  טז ואת-היבוסי, ואת-האמורי, 
ואת, הגרגשי.  יז ואת-החיווי ואת-הערקי, ואת-הסיני.  יח ואת-
הארוודי ואת-הצמרי, ואת-החמתי; ואחר נפוצו, משפחות הכנעני.  
%break
יט ויהי גבול הכנעני, מצידון--בואכה גררה, עד-עזה:  בואכה סדומה 
ועמורה, ואדמה וצבויים--עד-לשע.  כ אלה בני-חם, למשפחותם 
ללשונותם, בארצותם, בגוייהם. 
%break
כא ולשם יולד, גם-הוא:  אבי, כל-בני-עבר--אחי, יפת הגדול.  כב בני 
שם, עילם ואשור, וארפכשד, ולוד וארם.  כג ובני, ארם--עוץ וחול, 
וגתר ומש.  כד וארפכשד, ילד את-שלח; ושלח, ילד את-עבר.  
%break
כה ולעבר יולד, שני בנים:  שם האחד פלג, כי בימיו נפלגה הארץ, 
ושם אחיו, יוקטן.  כו ויוקטן ילד, את-אלמודד ואת-שלף, ואת-
חצרמוות, ואת-ירח.  כז ואת-הדורם ואת-אוזל, ואת-דקלה.  כח ואת-
עובל ואת-אבימאל, ואת-שבא.  
%break
כט ואת-אופיר ואת-חווילה, ואת-יובב; כל-אלה, בני יוקטן.  ל ויהי 
מושבם, ממשא, בואכה ספרה, הר הקדם.  לא אלה בני-שם, 
למשפחותם ללשונותם, בארצותם, לגוייהם.  לב אלה משפחות בני-
נוח לתולדותם, בגוייהם; ומאלה נפרדו הגויים, בארץ--אחר המבול. 
%break
%H בראשית פרק יא
%break
א ויהי כל-הארץ, שפה אחת, ודברים, אחדים.  ב ויהי, בנוסעם מקדם; 
וימצאו בקעה בארץ שנער, ויישבו שם.  ג ויאמרו איש אל-ריעהו, הבה 
נלבנה לבינים, ונשרפה, לשריפה; ותהי להם הלבינה, לאבן, והחמר, 
היה להם לחומר.  
%break
ד ויאמרו הבה נבנה-לנו עיר, ומגדל וראשו בשמיים, ונעשה-לנו, שם:  
פן-נפוץ, על-פני כל-הארץ.  ה ויירד יהוה, לראות את-העיר ואת-
המגדל, אשר בנו, בני האדם.  
%break
ו ויאמר יהוה, הן עם אחד ושפה אחת לכולם, וזה, החילם לעשות; 
ועתה לא-ייבצר מהם, כול אשר יזמו לעשות.  ז הבה, נרדה, ונבלה 
שם, שפתם--אשר לא ישמעו, איש שפת ריעהו.  
%break
ח ויפץ יהוה אותם משם, על-פני כל-הארץ; ויחדלו, לבנות העיר.  ט 
על-כן קרא שמה, בבל, כי-שם בלל יהוה, שפת כל-הארץ; ומשם 
הפיצם יהוה, על-פני כל-הארץ. 
%break
י אלה, תולדות שם--שם בן-מאת שנה, ויולד את-ארפכשד:  שנתיים, 
אחר המבול.  יא ויחי-שם, אחרי הולידו את-ארפכשד, חמש מאות, 
שנה; ויולד בנים, ובנות. 
%break
יב וארפכשד חי, חמש ושלושים שנה; ויולד, את-שלח.  יג ויחי 
ארפכשד, אחרי הולידו את-שלח, שלוש שנים, וארבע מאות שנה; 
ויולד בנים, ובנות. 
%break
יד ושלח חי, שלושים שנה; ויולד, את-עבר.  טו ויחי-שלח, אחרי הולידו 
את-עבר, שלוש שנים, וארבע מאות שנה; ויולד בנים, ובנות. טז ויחי-
עבר, ארבע ושלושים שנה; ויולד, את-פלג.  יז ויחי-עבר, אחרי הולידו 
את-פלג, שלושים שנה, וארבע מאות שנה; ויולד בנים, ובנות. 
%break
יח ויחי-פלג, שלושים שנה; ויולד, את-רעו.  יט ויחי-פלג, אחרי הולידו 
את-רעו, תשע שנים, ומאתיים שנה; ויולד בנים, ובנות. כ ויחי רעו, 
שתיים ושלושים שנה; ויולד, את-שרוג.  כא ויחי רעו, אחרי הולידו את-
שרוג, שבע שנים, ומאתיים שנה; ויולד בנים, ובנות. 
%break
כב ויחי שרוג, שלושים שנה; ויולד, את-נחור.  כג ויחי שרוג, אחרי 
הולידו את-נחור--מאתיים שנה; ויולד בנים, ובנות. 
%break
כד ויחי נחור, תשע ועשרים שנה; ויולד, את-תרח.  כה ויחי נחור, 
אחרי הולידו את-תרח, תשע-עשרה שנה, ומאת שנה; ויולד בנים, 
ובנות. 
%break
כו ויחי-תרח, שבעים שנה; ויולד, את-אברם, את-נחור, ואת-הרן.  כז 
ואלה, תולדות תרח--תרח הוליד את-אברם, את-נחור ואת-הרן; והרן, 
הוליד את-לוט.  כח וימת הרן, על-פני תרח אביו, בארץ מולדתו, באור 
כשדים.  
%break
כט וייקח אברם ונחור להם, נשים:  שם אשת-אברם, שריי, ושם 
אשת-נחור מלכה, בת-הרן אבי-מלכה ואבי יסכה.  ל ותהי שריי, 
עקרה:  אין לה, ולד.  
%break
לא וייקח תרח את-אברם בנו, ואת-לוט בן-הרן בן-בנו, ואת שריי כלתו, 
אשת אברם בנו; וייצאו איתם מאור כשדים, ללכת ארצה כנען, ויבואו 
עד-חרן, ויישבו שם.  לב ויהיו ימי-תרח, חמש שנים ומאתיים שנה; 
וימת תרח, בחרן.